Almatyda Seıfýllın dańǵyly men Jansúgirov kóshesiniń qıylysynda qozǵalys baǵyty ózgeredi

<p>ALMATY. KAZINFORM &ndash; Almatyda jolaıryq qurylysyna baılanysty Seıfýllın dańǵyly men Jansúgirov kóshesiniń qıylysynda kólik qozǵalysyna kezeń-kezeńmen shekteýler engiziledi.&nbsp;</p>

Máselen, 7 maýsymnan bastap Seıfýllın dańǵylynyń ońtústiginde Jansúgirov kóshesi boıynsha kólik quraldarynyń ótpeli qozǵalysy shekteledi. Qozǵalys Jansúgirov kóshesinen Seıfýllın dańǵylyna jáne Seıfýllın dańǵylynan Jansúgirov kóshesine deıingi jol aıryǵynyń sezderi boıynsha qamtamasyz etiledi.

«14 maýsymnan bastap Seıfýllın dańǵylynyń soltústiginde Jansúgirov kóshesi boıynsha kólik quraldarynyń qozǵalysy shekteledi. Qozǵalys sezder boıynsha qamtamasyz etiledi. Bul syzba 1 qyrkúıekke deıin jaramdy bolady», - dep habaralady ákimdikten. 

Esterińizge sala keteıik, joba aıasynda Seıfýllın dańǵylynda kólikterdiń kedergisiz júrýi úshin jalpy uzyndyǵy 690 metr bolatyn eki túnel salý kózdelgen. Jansúgirov kóshesinde 4 jer ústi jaıaý júrginshiler ótkeli salynyp, trotýarlar jáne kógaldandyrý qarastyrylǵan. 

Buǵan deıin Almatyda Qulja tasjoly alty jolaqqa deıin keńeıtiletini týraly jazǵan edik. 

Bul atalǵan ýchaskeniń ótkizý qabiletin 2 esege arttyrady.