Almatyda seriktestiktiń uzaq ýaqyt paıdalanbaı kelgen 2,14 gektar jeri májbúrli túrde alyndy

<p>ALMATY. KAZINFORM &ndash; Almaty qalasynyń jer resýrstaryn basqarý departamenti jaýapkershiligi shekteýli seriktestigin tekserý barysynda jer telimin uzaq ýaqyt paıdalanbaý faktisi anyqtaldy.</p>

Jalpy aýdany 2,14 ga jer ýchaskesi turǵyn úı qurylysyna berilgen bolatyn. Departament JShS-ge atalǵan buzýshylyqty bir jyl ishinde joıý boıynsha tıisti nusqama bergen.

Alaıda atalǵan talaptar ýaqytynda oryndalǵan joq. Sondyqtan departament jer ýchaskesin májbúrli túrde alyp qoıý týraly sotqa talap aryz joldady.

Almaty qalasynyń soty osy jyldyń 31 mamyrynda jaýapkershiligi shekteýli seriktestikke qatysty jer telimin májbúrli túrde alý týraly sheshim shyǵardy.

Osyǵan deıin, Almatyda sot zańsyz salynyp jatqan turǵyn úı keshenin buzý týraly sheshim shyǵarǵanyn jazdyq.

«Graff» turǵyn úı kesheni úsh jer teliminde tıisti ruqsat qujatsyz salynǵan.