Almatyda saýda ortalyǵynda bolǵan uryp-soǵý faktisine qatysty tergeý bastaldy

<p>ALMATY. KAZINFORM &ndash; Almaty polıtsııasy áleýmettik jelide &laquo;Adem&raquo; saýda úıiniń ákimshiligi tarapynan satýshylarǵa &laquo;qysym&raquo; kórsetilip jatyr degen vıdeoǵa qatysty pikir bildirdi.</p>

Áleýmettik jelide «Adem» saýda ortalyǵynyń ıesi adamdardy uryp–soǵyp jatyr dep aıyptaǵan vıdeo paıda boldy.

«Olar salyqtan jaltaryp, kiristerin jasyrady. Jalǵa alýshylardan elektr energııasyna ár sharshy metr úshin aqy alady. Jumysshylardy Eńbek kodeksine sáıkes tirkemeıdi. Barlyq quzyrly organdardan tergeý júrgizip, kinálilerdi jazalaýlaryńyzdy suraımyz», - delingen habarlamada.

Almaty qalalyq Polıtsııa departamenti qazirgi ýaqytta Jetisý aýdandyq polıtsııa basqarmasy jalǵa alýshylardyń biriniń aryzy boıynsha saýda úıiniń kúzetshisine qatysty sotqa deıingi tergeý amaldaryn júrgizip jatqanyn málimdedi.

«Ol ustaldy jáne tergeý áreketterin júrgizý úshin polıtsııaǵa jetkizildi. Qylmystyq is aıasynda sot-medıtsınalyq saraptama taǵaıyndaldy. Qaqtyǵystyń mán-jaıy anyqtalyp jatyr», - dep habarlady vedomstvodan. 

Qazir Polıtsııa departamentiniń jedel bólimsheleri ótken jazda oryn alǵan qarý qoldaný epızodyn tekserip jatyr.

«Aıta keteıik, buǵan deıin bul derek boıynsha polıtsııaǵa eshqandaı aryz nemese ótinish kelip túsken joq», - dep naqtylady polıtsııadan.