Almatyda Saın-Móńke bı kóshesindegi jolaıryq shilde aıynda ashylady

<p>ALMATY. KAZINFORM &ndash; Saın men Móńke bı kóshesiniń qıylysyndaǵy jolaıyryq shilde aıynyń sońynda qoldanysqa beriledi.</p>

Almaty ákimi Erbolat Dosaev Alataý aýdanyn aralaý barysynda jol ınfraqurylymyn damytý qarqynymen tanysty.

Foto: Almaty qalasynyń ákimdigi

Megapolıs basshysyna Saın men Móńke bı kósheleriniń qıylysynda jolaıryǵyn salý, sondaı-aq Rysqulov dańǵylynan salynyp jatqan jolaıryǵyna deıin Saın kóshesin uzartý jumystary týraly baıandaldy.

Máselen, Bul «jońyshqa japyraǵy» tıptes jolaıyryqty iske qosý Úlken Almaty aınalma avtomobıl jolynda (ÚAAAJ) shyǵý kezinde eki úlken magıstralǵa kólik júktemesin azaıtýǵa múmkindik beredi. Jobada uzyndyǵy 2,3 km trotýarlar men velojoldardy ornatý kózdelgen.

Búgingi kúni ınjenerlik jelilerdi shyǵarý, tonnel men rampany betondaý júrgizildi, sezderdi ornatý, jaryqtandyrý, sezderdi asfalttaý jáne abattandyrý jumystary atqarylyp jatyr. Sonymen qatar, uzyndyǵy 3,2 km bolatyn Rysqulov dańǵylynan Saın kóshesi boıynda salynyp jatqan jolaıryǵy baǵytynda uzartý jumystary jalǵasyp jatyr.  

Foto: Almaty qalasynyń ákimdigi

B.Momyshuly kóshesinen kólik júktemesin 30%-ǵa tómendetip, Rysqulov dańǵylynyń ońtústiginde jáne Móńke bı kóshesiniń soltústiginde Saın kóshesiniń ýchaskelerin qosýǵa arnalǵan.

Joldy ár baǵyt boıynsha trotýarlarmen jáne velosıped joldarymen úsh jolaq salý josparda. Qazirgi ýaqytta 66 jer ýchaskesiniń 65-i satyp alyndy, ınjenerlik jelilerdi qaıta qurý, jer tóseminiń, trotýarlar men velojoldardyń negizin salý boıynsha jumystar júrgizilip jatyr.  

Jobanyń aıaqtalýy aǵymdaǵy jyldyń sońyna deıin josparlanǵan.

Erbolat Dosaev nysandardaǵy jumystardy jedeldetýdi jáne shilde aıynyń sońynda jolaıryǵynda jol júrýdi qamtamasyz etýdi tapsyrdy.

Osyǵan deıin Almatyda eki iri jolaıryq qurylysy men eki kósheni uzartý jumystary aıaqtalatyny týraly jazǵan edik.