Almatyda Saın kóshesin uzartý jumystary bıyl aıaqtalady

<p>ALMATY. KAZINFORM &ndash; Saın kóshesin uzartý jumystary 2024 jyldyń qyrkúıegine deıin aıaqtalady. Bul týraly&nbsp; Erbolat Dosaev Alataý aýdany turǵyndarmen kezdesýinde málim etti.</p>

Almaty ákiminiń aıtýynsha, 2024 jyly Soltústik aınalma kóshesinen Saın kóshesine deıingi Úlken Almaty kanaly boıyndaǵy kósheniń jáne 5 shaǵyn aýdanda jalpy uzyndyǵy 75 shaqyrym jol ortasha jóndeýden ótedi.

«2024 jyldyń qyrkúıegine deıin Saın kóshesin uzartý aıaqtalady. Al osy jyldyń sońyna qaraı Móńke bı kóshesindegi jolaıryǵynyń qurylysy aıaqtalady. Nátıjesinde qalanyń negizgi magıstraldyq kóshelerinen, onyń ishinde Rysqulov dańǵylynan, Saın jáne Momyshuly kóshelerinen, sondaı - aq aýdandyq mańyzy bar kóshelerden kólik júktemesi aıtarlyqtaı azaıady», - dep atap ótti Erbolat Dosaev.

Sondaı-aq Shańyraq-1 jáne Alǵabas shaǵyn aýdandarynda jańa joldardyń qurylysy 2024 jyldyń qarasha aıynda aıaqtalady.