Almatyda Rysqulov-Kúderın jolaıyryǵy jabylady

<p>ALMATY. KAZINFORM &ndash; Almatyda Rysqulov-Kúderın jolaıyryǵynyń aýmaǵynda ortasha jóndeý jumystaryna baılanysty kólik qozǵalysyna shekteý engiziledi.&nbsp;</p>

28 shilde túngi saǵat 23:00-den 29 shilde saǵat 23:00-ge deıin qozǵalys Kúderın kóshesi boıymen Sahalın kóshesinen tonneldiń sońyna deıin tolyq jabylady. Sondaı-aq Rysqulov dańǵylynan batys baǵytta sezd, shyǵys baǵytta Soltústik aınalma kóshesine sezd, ońtústik baǵytta burylysta da shekteý engiziledi.

Bul aımaqty Moskvın, Sahalın, Krylov jáne Bókeıhanov kósheleri arqyly aınalyp ótýge bolady.

Jóndeletin ýchaskede eskertý belgileri, merdiger uıym basshysynyń baılanys aqparaty bar stendter qoıylady. 

Almaty turǵyndary men qonaqtary qala joldarynda keptelis týdyrmaý úshin qozǵalys baǵytyn aldyn ala josparlaýy qajet.