Almatyda Respýblıka kúni qalaı merekelenedi
Qala ákimdiginiń baspasóz qyzmeti málim etkendeı, 21-24 qazan aralyǵynda memlekettik qýyrshaq teatrynda «Almaty Ruppet Festival» II Halyqaralyq qýyrshaq teatrlarynyń festıvali ótedi. Qazaqstan, Qytaı, Polsha, Chehııa, Bolgarııa, Grýzııa, Túrkııa, Ázirbaıjan, Ózbekstan jáne Reseıden kelgen ártister kórermenderge úzdik qýyrshaq spektaklderin usynady.
22 qazan kúni saǵat 16:00 – de «Alataý» dástúrli óner teatrynda Respýblıka kúnine arnalǵan «Atameken-aıbynym» atty merekelik kontsert ótedi. Sahnada QR Mádenıet qaıratkeri, dástúrli ánderdi oryndaýshy Alma Amanjolova, estrada ánshisi Maral Anarbek, ánshi Sandýǵash Stamǵazıeva óner kórsetedi.
Sol kúni saǵat 18:00-de QR Jas sýretshiler odaǵynyń músheleri «Saǵyndyrǵan áýender aı» kórmesinde ózderiniń kartınalaryn, grafıkalyq jáne akvareldik jumystaryn, músinderin, sándik-qoldanbaly óner buıymdaryn usynady, ol Almaty Gallery - de ótedi. Onda kameralyq orkestrdiń ártisteri ataqty klassıkterdiń áıgili ánderin oryndaıdy. Orkestrmen birge QR eńbek sińirgen qaıratkeri, Ózbekstannyń eńbek sińirgen ártisi, opera ánshisi Djamılıa Baspakova, sondaı-aq halyqaralyq konkýrstardyń laýreattary Oleg Tatamırov, Damır Sádýaqasov jáne Dıana Samykenova án shyrqaıdy.
23 qazan kúni saǵat 12:00-de Yqylas atyndaǵy ulttyq mýzykalyq aspaptar murajaıynda kameralyq orkestrdiń qatysýymen «Aq jaýyn» kontserti uıymdastyrylady.
Osy ýaqytta Qazaq memlekettik tsırkinde «Pildegi jolbarys» qaıyrymdylyq shoýy ótedi.Tsırk qoıylymyna az qamtylǵan jáne kópbalaly otbasylardan shyqqan 1700 bala shaqyrylady.
Negizgi saltanatty kontsert 23 qazan kúni saǵat 15:00-de Respýblıka saraıynda ótedi. Іs-sharaǵa aty ańyzǵa aınalǵan «Dos-Muqasan» ansambli, A'Studio tobynyń negizin qalaýshy, prodıýser jáne kompozıtor Baıǵalı Serkebaev, Qazaqstan Respýblıkasynyń eńbek sińirgen qaıratkeri, «Daryn» Memlekettik syılyǵynyń laýreaty, belgili dombyrashy-kúıshi Asylbek Eńsepov jáne basqa da ártister qatysady.
Sol kúni keshke Gogol men Panfılov kósheleriniń qıylysyndaǵy metropolıten aldyndaǵy ashyq alańda qalanyń bı komandalary arasyndaǵy patrıottyq elementteri bar Almaty Street Battle kórmesi ótedi.
24 qazan kúni saǵat 10:00 – de Almaty mýzeıinde «Tarıhı derek-eldigimniń bastaýy» kórmesi óz jumysyn bastaıdy. Saǵat 11:00-de Qazmemtsırktiń levadasynda múmkindigi shekteýli balalarǵa arnalǵan ıppoterapııa-qaıyrymdylyq aktsııasy uıymdastyrylady.
Saǵat 15:00-de Qazybek bı kóshesinen Abaı dańǵylyna deıin Dostyq dańǵylynda Qazaqstannyń memlekettik týlaryn kóteretin jas qazaqstandyqtardyń qatysýymen patrıottar sherýi ótedi. Merekelik kolonna sherýi Respýblıka Saraıynyń aldynda Ánurandy oryndaýmen aıaqtalady.
Respýblıka kúni, 25 qazan kúni saǵat 11:00-de «Medeý» bıik taý kesheniniń memlekettik týdy kóterý jáne Qazaqstan Gımnin jappaı oryndaý saltanatty rásimi ótedi. Іs-sharaǵa qala jastary, qoǵam qaıratkerleri, Almaty máslıhatynyń depýtattary jáne Qazaqstan halqy Assambleıasynyń ókilderi qatysady.
Sol kúni saǵat 11:00-de Nurǵısa Tilendıev memorıaldyq murajaıynda «Óz elim» merekelik is-sharasy ótedi.
Aıta keteıik, Respýblıka kúnine arnalǵan merekelik is-sharalar qalanyń barlyq segiz aýdanynda ótedi