Almatyda referendýmǵa daıyndyq qalaı júrip jatyr
Qalanyń aýmaqtyq saılaý komıssııasynyń tóraǵasy Aıgúl Qalyqovanyń aıtýynsha, Almatyda shamamen 1 260 000 saılaýshy tirkelgen. Bas-aıaǵy 624 saılaý ýchaskesi quryldy.
Onyń 549-y azamattardy turaqty tirkeý oryndary boıynsha bolsa, al 75-i — aýrýhanalar, sanatorııler jáne áskerı bólimder sııaqty ýaqytsha ornalasqan oryndar.
— Daıyndyq qarqyndy júrip jatyr. Ortalyq saılaý komıssııasy bizge áreket etýdiń negizgi is-sharalar josparyn jasady. Bul saılaý naýqanynda halyqty tegi men mekenjaıy boıynsha aqparattandyrý mindeti qoıyldy. Barlyq biregeı mekenjaılarǵa tekserý júrgizdik, onyń sany — 495 myńǵa jýyq. Sondaı-aq, kóppáterli úılerdegi kireberisterdiń sanyn bilemiz, qala boıynsha 26 myńǵa jýyq. Ár saılaýshyǵa esikke deıin jetkizetin jeke shaqyrý daıyndadyq. Sonymen qatar, ár kireberistiń esikterinde aqparatty alýǵa jáne JSN boıynsha óz ýchaskesiniń nómirin tekserýge múmkindik beretin QR-kod bar plakattar japsyrý qarastyrylǵan. Bul qyzmet barlyq azamattar úshin qoljetimdi, — dedi ASK basshysy.
Shaqyrý qaǵazdaryn árbir mekenjaı boıynsha eriktiler men saılaý komıssııalarynyń músheleri jetkizedi. Jumys múlik ıeleriniń birlestikteri, páter ıeleri kooperatıvi jáne jergilikti polıtsııa qyzmetimen tyǵyz ózara is-qımylda júzege asyrylady. 26 qyrkúıektegi jaǵdaı boıynsha saılaýshylardyń shamamen 40%-y shaqyrý qaǵazdaryn alǵan.
— Biz saılaýshylar tizimin qalyptastyrý boıynsha biraz jumys júrgizdik. Zańǵa sáıkes, referendýmǵa qatysýǵa quqyǵy bar azamattardyń tizimin bizge jergilikti atqarýshy organdar daýys berýden keminde 20 kún buryn beredi. 21 qyrkúıekten bastap barlyq tizimder jasaldy jáne árbir azamat óziniń tizimge engen-enbegenin teksere alady. Eger turǵyn ózin tizimnen taba almasa, qosylýǵa ótinish bere alady, — dep túsindirdi ol.
Sondaı-aq, 172 ýchaskede tirkeýdi tekserý servısteri ornatylady. Olar daýys berýshiler ózin tiziminen tappaǵan jaǵdaıda qoldanylady.
Eger azamat Almaty qalasynda tirkelgen bolsa, ol referendýmnyń belgili bir ýchaskesinde daýys berýshiler tizimine engiziledi.
— Referendýmnyń 40 ýchaskesinde Qazaqstannyń esh jerinde tirkelmegen azamattardy tirkeý boıynsha servıster ashylady. Bul bir kúndik tirkeý bolady. Osylaısha, olarǵa 6 qazandaǵy referendým kúni daýys berýge múmkindik beriledi. ıAǵnı, qazir árbir azamattyń daýys berýge múmkindigi bolýy úshin barynsha jaǵdaı jasalyp jatyr, — dedi Aıgúl Qalyqova.
Almatyda saılaýshylarǵa saılaý ýchaskeleri men olardyń mekenjaılaryna qatysty aqparat berý úshin biryńǵaı 1315 nómirindegi qalalyq sall-ortalyq iske qosyldy. Call-ortalyq kún saıyn demalyssyz 08:00–den 20:00–ge deıin jumys isteıdi.
Sonymen qatar, saılaýshylar Open Almaty qoǵamdyq qabyldaý bólmesiniń saıtynda Telegram bot arqyly saılaýshylar tiziminde ózin teksere alady.
ASK tóraǵasynyń aıtýynsha, qaladaǵy barlyq saılaý ýchaskeleri referendým ótkizýge tolyq daıyn. Daýys berýge arnalǵan oryndar qajetti saılaý qujattarymen, jadynamalarmen jáne QR Ortalyq saılaý komıssııasynyń normatıvtik aktilerimen jaraqtandyrylǵan.
Oǵan qosa, ár ýchaskede daýys berý kúni baqylaýshylarǵa yńǵaıly bolýy úshin kseroks qoıylǵan.
Sondaı-aq, erekshe qajettilikteri bar adamdar referendýmǵa óz betinshe qatysa alatyndaı tıisti jaǵdaı jasalǵan. Árbir saılaý ýchaskesiniń kireberisi pandýspen jáne taktıldi kórsetkishtermen jabdyqtalǵan.
Múgedektigi bar adamdar úshin arnaıy buryshtar men keń kabınalar uıymdastyrylǵan, sondaı-aq avtomobılge arnalǵan oryndar qarastyrylǵan. Zaǵıp azamattar úshin arnaıy trafaretter ázirlendi.
— Daýys berý kúni referendým ýchaskesine múgedektigi bar adamdardy ınvataksı tasymaldaıdy. Sonymen qatar, Isker qoldaý ortalyǵy QQ usynysy boıynsha daýys berý kúni onlaın-formatta ýchaskelik komıssııa músheleri men qulaǵy estimeıtin saılaýshylardyń ózara is-qımylyna kómektesetin sýrdoaýdarmashylardyń erikti jumysy uıymdastyrylady, — dep atap ótti Aıgúl Qalyqova.
Aıta ketken jón, saılaý kúni azamat densaýlyǵyna baılanysty nemese naýqas otbasy múshesiniń kútimine baılanysty saılaý ornyna kele almasa, ol jergilikti ýaqyt boıynsha saǵat 12:00–den keshiktirmeı jazbasha ótinish berýi kerek. Bul jaǵdaıda ýchaskelik komıssııa onyń turǵylyqty jeri boıynsha daýys berýdi uıymdastyrady.
Daýys berý kúni barlyq saılaý ýchaskeleri 07:00–den 20:00–ge deıin jumys isteıdi. Alaıda, áskerı bólimder, aýrýhanalar men sanatorııler sııaqty ýaqytsha bolý oryndarynda ornalasqan 75 ýchaskede daýys berý saǵat 06:00–den bastalady.
Referendýmǵa tartylǵan ýchaskelik komıssııalar músheleriniń jalpy sany — 4362 adam, al aýmaqtyq komıssııalar músheleri — 63 adam.
Osylaısha barlyǵy 4425 adam daýys berýdi qamtamasyz etedi.
Eske salaıyq, buǵan deıin saýalnama nátıjesi boıynsha qazaqstandyqtardyń 60%-ǵa jýyǵy referendýmǵa qatysýǵa daıyn ekenin jazǵanbyz.