Almatyda Raqymjan Qoshqarbaevtyń 100-jyldyǵyna arnalǵan kórme ashyldy
16:10, 10 Mamyr 2024
<p>ALMATY. KAZINFORM – Almaty mýzeıinde jeńis týyn tikken halyq qaharmany Raqymjan Qoshqarbaevtyń týǵanyna 100 jyl tolýyna oraı «Erliktiń óshpes dańqy» atty kórme ashyldy. </p>
Eksponattar QR Qarýly kúshteriniń áskerı-tarıhı murajaıynyń jáne Almaty mýzeıiniń qorynan alynǵan.
Kórmege 50-den astam jádiger qoıyldy. Sonymen qatar eksponattar arasynda ózge de maıdangerlerdiń qundy zattary bar.
Atap aıtar bolsaq, jaýyngerlerdiń fotosýretteri, qujattary men marapattary, soǵys kezindegi qarý-jaraqtar qoıylǵan. Sondaı-aq Keńes Odaǵynyń batyry, Táýelsiz Qazaqstannyń tuńǵysh qorǵanys mınıstri, halyq qaharmany, armııa generaly Saǵadat Nurmaǵambetov jáne 1945 jyly Jeńis sherýine qatysqan, Qazaq KSR Іshki ister mınıstri — Andreı Georgıevıch Plataevtyń áskerı kıimderi men medaldary da kórme ekspozıtsııasyna qoıyldy.
Kórme 13 mamyrǵa deıin jalǵasady.