Almatyda iri qurylys nysany buzylyp jatyr

<p>ALMATY. KAZINFORM — Almatyda 1350 sharshy metrden astam salynyp jatqan ǵımarat buzylyp jatyr.</p>

Qala qurylysyn baqylaý basqarmasynyń málimetinshe, Shuǵyla yqshamaýdany, «Baý-baqsha seriktestigi» tutyný kooperatıvi, 110-ýchaskede qurylysy júrip jatqan nysandy sot zańsyz dep tanydy.

Foto: Almaty ákimdigi

Jospardan tys tekseris nátıjesinde menshik ıesi nysandy ruqsat qujatynsyz sharýashylyq tásilmen turǵyzǵany anyqtalǵan. 

Basqarma menshik ıesine qatysty ÁQBtK 316-baby 1, 321-bóligi boıynsha sharalar qabyldady jáne jol berilgen buzýshylyqtardy joıýǵa uıǵarym bergen, menshik ıesi ony óz kezeginde oryndamady. 

«2023 jyly 20 maýsymda basqarma Naýryzbaı aýdandyq sotyna buzý týraly talap aryz berdi. Qazan aıynda sot talqylaýlarynyń nátıjesi boıynsha basqarmanyń talap-aryzdary qanaǵattandyryldy», -dep atap ótti basqarmadan. 

Búgin ádilet departamenti sot oryndaýshylarynyń qatysýymen menshik ıesi nysandy buzýdy bastady. 

Esterińizge sala keteıik, buǵan deıin Almaty ákimi Erbolat Dosaev zańsyz qurylysqa baqylaýdy kúsheıtýdi tapsyrǵan bolatyn. 

Jalpy, qalady byltyrdan beri 33 zańsyz nysan tolyǵymen jáne jartylaı buzyldy, onyń ishinde bıznes ortalyq, meıramhana, qosalqy qurylys pen avtoservıs, sondaı-aq Mechta jáne KHAN sııaqty iri turǵyn úı keshenderi bar.

Foto: Almaty ákimdigi