Almatyda iri eki kóshe bir táýlikke jabylady

<p>ALMATY. KAZINFORM &ndash; Almaty qalasynyń ákimdigi megapolıstiń eki jol ýchaskesinde kólik qozǵalysy ýaqytynsha toqtatylatynyn habarlady.</p>

Batys Jeltoqsan kóshesi Tımırıazev kóshesinen Ál-Farabı dańǵylyna deıin jabylady. Jylý jelilerin qaıta qurý jumystary aıaqtalǵan bul kóshede jol qalpyna keltiriledi. 

Sondaı-aq Shevchenko kóshesi Dostyq dańǵylynan Qonaev kóshesine deıin jabylmaq. Bul jol ýchaskesinde Ulttyq Ǵylym akademııasynyń ǵımaratyn jóndeý jumystary aıasynda jańa jol tóseledi.

Aıtylǵan jol ýchaskeleri 25 mamyr saǵat 6.00-den 26 mamyr saǵat 6.00-ge deıin jabyq bolady.

«Ýaqytsha qolaısyzdyqqa túsinistikpen qaraýdy jáne jol baǵytyn aldyn ala josparlaýdy suraımyz», – dep habaraldy qala ákimdiginiń baspasóz qyzmeti.

Aıta keteıik, bıyl Almatyda uzyndyǵy 250 shaqyrym 274 kósheni ortasha jóndeý josparlanǵanyn jazǵanbyz.