Almatyda polıtsııa qyzmetkerine pyshaq siltegen kúdikti ustaldy

<p>ALMATY. KAZINFORM - Almatyda meıramhana mańynda janjal shyǵyp, bir adam pyshaq jaraqatyn aldy. Bul týraly aqparat áleýmettik jelide tarady.</p>

Jelidegi málimetke sáıkes, “Pegas” kafesiniń mańynda tóbeles bolyp, saldarynan qyzmetten tys júrgen polıtsııa qyzmetkeri pyshaq jaraqatyn alǵan. 

Almaty qalasy Polıtsııa departamenti atalǵan derek boıynsha qylmystyq is qozǵalǵanyn habarlady.

- Bul derek boıynsha Alataý aýdandyq polıtsııa basqarmasy qylmystyq is qozǵady.

Kúdikti ustalyp, ýaqytsha ustaý ızolıatoryna qamaldy. Qylmystyń mán-jaıy anyqtalyp jatyr, - dep habarlady qalalyq PD baspasóz qyzmeti.

Eske salaıyq, buǵan deıin Almaty oblysynda 51 jastaǵy er adamnyń máıiti tabylǵanyn jazǵanbyz.