Almatyda polıtsııa avtobýsy jeńil kólikpen soqtyǵysty

<p>ALMATY. KAZINFORM &ndash; Almatyda Mamandandyrylǵan kúzet qyzmetiniń qyzmettik kóligi jeńil kólikpen soqtyǵysty.</p>

- Úıimniń terezesiniń aldynda kólik apaty boldy. Úlken polıtsııa avtobýsy jeńil kólikti soqty. Kelgen polıtseılerdiń sózinshe, jeńil kólik saryǵa ótip jatqan, al polıtsııa avtobýsy ornynan erte qozǵalǵan. Abyroı bolǵanda júrgizýshi jigit jaraqat alsa da, aman qaldy, - dep jazdy oqıǵa kýágeri Evgenıı Muhamedjanov.

Almaty qalasy Polıtsııa departamenti jol-kólik oqıǵasynyń mán-jaılary anyqtalyp jatqanyn habarlady.

- Búgin tańǵy saǵat 07:40-ta Qabanbaı batyr men Jeltoqsan kósheleriniń qıylysynda bolǵan Mamandandyrylǵan kúzet qyzmeti basqarmasy qyzmettik kóliginiń qatysýymen bolǵan jol-kólik oqıǵasy boıynsha tergeý bastaldy. Oqıǵa saldarynan «Sýzýkı» kóliginiń júrgizýshisi zardap shekti. Ol qalalyq aýrýhanalardyń birine jetkizildi. Jol-kólik oqıǵasynyń basqa da mán-jaılary anyqtalýda, - dep habarlady qalalyq PD baspasóz qyzmeti.

Eske salaıyq, Almaty oblysynda jol-kólik oqıǵasynan eki jaıaý júrginshi qaıtys boldy.