Almatyda polıtseıge qol kótergen er adam qamaýǵa alyndy

<p>Almatyda polıtseıge shabýyl jasaǵan er adam qamaýǵa alyndy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Qalalyq polıtsııa departamentiniń málimetinshe, 19 jeltoqsanda túngi saǵat 03:20-da Dostyq dańǵyly men Snegın kóshesiniń qıylysynda mamandandyrylǵan patrýldik polıtsııa batalonynyń ekıpajy kúdik týdyrǵan «Toıota» kóligin toqtatty.

«Kóliktiń ishinde júrgizýshi men tórt jolaýshy bolǵan, olar birden dórekilik tanytyp, polıtsııa qyzmetkerleriniń zańdy talaptaryna baǵynbaǵan. Sonymen birge, tórt adam Toyota Camry júrgizýshisine qashyp ketýge múmkindik jasady. Ol da mas kúıinde rýlge otyrǵan – bul ózgelerge qaýip tóndirdi degen sóz. Júrgizýshiniń kim ekeni anyqtaldy. Ony ustaý sharalary júrgizilýde», - dep atap ótti Almaty polıtsııa departamentiniń baspasóz qyzmetinen.

Sondaı-aq tártip buzýshylardyń biri polıtsııa qyzmetkerin urdy. Bul áreketter Qazaqstan Respýblıkasy Qylmystyq kodeksiniń 380-baby «Bılik ókiline kúsh qoldaný» boıynsha kvalıfıkatsııalandy.

«Oqıǵaǵa qatysýshylardyń barlyǵyna qatysty QR QK-niń 379-baby «Bılik ókiline baǵynbaý» jáne QR ÁQBtK-niń 440-baby «Usaq buzaqylyq» boıynsha qylmystyq is qozǵalyp, materıaldar jınaldy. Al, tártip saqshysyna qol kótergen er adam qamaýǵa alyndy», - dep qosty departamenttegiler.

Buǵan deıin Almatyda jastar men polıtseılerdiń tóbelesi vıdeoǵa túsip qalǵany týraly jazǵan bolatynbyz.