Almatyda Perınatologııa jáne balalar kardıohırýrgııa ortalyǵy jóndeledi

<p>ALMATY. KAZINFORM &ndash; Almatynyń Bostandyq aýdanynda ornalasqan eki emhana men Perınatologııa jáne balalar kardıohırýrgııasy ortalyǵy jóndeledi. Bul týraly aýdan turǵyndarymen kezdesýde Erbolat Dosaev málim etti.</p>

Aıtýynsha, osy jyldyń maýsym aıynda qalada 500 patsıentke arnalǵan balalarǵa shuǵyl medıtsınalyq kómek kórsetý ortalyǵynyń jańa ǵımaraty ashyldy. 

Mekemede 26 reanımatsııa jáne qarqyndy terapııa tósegi, 4 operatsııalyq blok, sondaı-aq dıagnostıkalyq bólimshe bar. Ǵımarat halyqaralyq standarttarǵa sáıkes salynǵan. Sońǵy úsh jylda ortalyqtyń qabyldaý bólimine túsken ótinishter sany 30% - ǵa artty.

«Qazirgi ýaqytta klınıkany qaıta qurý jospary ázirlenýde. Atap aıtqanda, barlyq eski ǵımarattar kúrdeli jóndeýden ótip, ońaltý, otolarıngologııa, oftalmologııa, jaq bas súıek hırýrgııasy bólimsheleri ashylady. Nátıjesinde aýrýhanadaǵy tósek sany 350-den 470-ke deıin artady. Jańǵyrtý medıtsınalyq qyzmetter spektrin keńeıtýge jáne halyqaralyq standarttar deńgeıinde sapany qamtamasyz etýge múmkindik beredi. Sondaı- aq osy jyldyń jeltoqsan aıynda № 4 jáne №12 emhanadaǵy jóndeý jumystary aıaqtalady»,- dedi qala basshysy.

Budan bólek, 2025 jyldyń aqpan aıynda Perınatologııa jáne balalar kardıohırýrgııasy ortalyǵy jóndeledi.

Eske salaıyq, osy jyldyń maýsym aıynda Almatyǵa jumys saparymen kelgen Memleket basshysy perzenthanalardyń ınfraqurylymyn nyǵaıtý jáne olardyń jumysyna ozyq standarttar men ádistemelerdi engizý qajettigi týraly aıtqan edi.