Almatyda páter urylary ustaldy
Almaty qalalyq polıtsııa departamentiniń málimetinshe, qylmystyq toptyń quramynda Shyǵys Qazaqstan jáne Túrkistan oblystarynan kelgen 28 ben 33 jas arasyndaǵy jigitter bolǵan. Barlyǵy da buryn sotty bolǵandar.
«Qazir olardyń qalada jasalǵan 5 urlyqqa qatysy bar ekeni anyqtaldy. Kúdiktiler «Mıras» shaǵyn aýdanyndaǵy úılerdiń birinde qylmys ústinde ustaldy. Olar kúndiz birinshi qabattaǵy páterge tereze arqyly kirip, úıdi tonap, qashyp ketken. Alaıda, birneshe mınýt ótken soń, polıtsııanyń arnaıy jasaqtarynyń kómegimen ustaldy.
Qylmystyq top músheleriniń Almatyda «Shevrole» jáne «Toıota» markaly kólikterin júrgizgeni belgili boldy. Asa iri kólemdegi páter urlyǵyna qatysty qylmystyq is tergelýde. Kúdiktiler ýaqytsha ustaý ızolıatoryna qamaldy», - dedi Almaty qalalyq polıtsııa departamentiniń krımınaldyq polıtsııa basqarmasynyń bastyǵy, polıtsııa polkovnıgi Qýatbek Naýatov.
QR QK-niń 201 babyna sáıkes ózge aqparat tergeý múddesine oraı jarııa etilmeıdi. Sondaı-aq QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalatyny habarlandy.