Almatyda ózge avtorlardyń ánin satqan jalǵan kompozıtor ustaldy

<p>ALMATY. KAZINFORM - Almaty qalasynyń Polıtsııa departamenti ózin kompozıtor retinde tanystyryp, ózge adamdardyń shyǵarmashylyq týyndylaryn satqan kúdiktiniń ustalǵanyn habarlady.</p>

«30 jastaǵy er adam, ujymdyq aryzben júgingen birqatar mýzykanttarǵa qatysty alaıaqtyq jasady degen kúdikke ilindi. Azamattardyń aryzynan belgili bolǵandaı, 1994 jyly týǵan Y. esimdi azamat, ózin kompozıtormyn dep tanystyryp, bóten adamnyń týyndysyn birden birneshe oryndaýshyǵa satyp jibergen. Kúdikti ustaldy. Onyń áreketi QR QK-niń 190-baby 3-bóligimen kvalıfıkatsııalanǵan. Sotqa deıingi tergeý jalǵasyp jatyr», - dedi Bostandyq aýdandyq Polıtsııa basqarmasynyń bastyǵy, polıtsııa polkovnıgi Dıdar Ahanov.

Aıta keteıik, QR QK-niń 201 babyna sáıkes ózge aqparat tergeý múddesine oraı jarııa etilmeıdi. QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.

Eske salaıyq, buǵan deıin Almatyda úzdik polıtseılerdiń sýretteri LED ekrandarda kórsetile bastaǵanyn jazǵan edik.