Almatyda ózenge qulaǵan balany qutqarǵan azamat marapattaldy
2024 jylǵy 27 qazanda Almatyda bolǵan balanyń ómirin sýdan qutqarý kezinde kórsetken batyldyǵy men janqııarlyǵy úshin Qyzylorda qalasynyń týmasy Álıhan Jaqsylyq "Sýǵa batqandy qutqarǵany úshin" medalimen marapattaldy.
Marapatty Tótenshe jaǵdaılar mınıstriniń atynan Almaty qalasy TJD bastyǵy Nurlan Atyǵaev tabystady.
«Shuǵyl is-áreketińizdiń arqasynda qaıǵyly jaǵdaıdyń aldyn alyp, balanyń ómirin qutqarǵanyńyz úshin alǵysymyzdy bildiremiz», - dedi TJD basshysy.
25 jastaǵy azamattyń aıtýynsha, 27 qazan kúni Qyzylorda qalasynan jalǵa alatyn páter izdep kelgen Álıhan saǵat 14:00 shamasynda Esentaı ózeni Maqataev kóshesiniń qıylysyndaǵy jaǵalaýynda balalardyń kómek surap aıqaılaǵanyn estigen. Bala Esentaı ózeniniń kaskadynda turyp, sýǵa qulap, ony qatty aǵyn alyp ketken eken. Qas qaǵym sátte ómirine qaýip tóngenine qaramastan, Á.Jaqsylyq dereý temir qorshaýdan sekirip, sýǵa batyp bara jatqan balany qutqaryp qaldy.
Aıta ketken jón, jas jigit Qyzylorda oblysynyń "Bolashaq" ýnıversıtetin "Dene shynyqtyrý jáne sport" mamandyǵy boıynsha 2020 jyly bitirgen.
Eske salaıyq, buǵan deıin Almatyda er adam ózenge qulaǵan balany qutqaryp qaldy. Sondaı-aq bala sýǵa qulaǵan Esentaı ózeniniń boıy kúrdeli jóndeýden ótetinin jazǵan edik.