Almatyda óz áriptesin abaısyzda atyp óltirgen polıtseı sottaldy

<p>ALMATY. KAZINFORM &mdash; Almatynyń Almaly aýdandyq soty byltyr jaz aıynda óz áriptesin abaısyzda atyp óltirgen polıtseıge qatysty úkim shyǵardy. Sot anyqtaǵandaı, 2023 jyldyń jazynda sottalýshy K. kúzet aýysymyna kelgen. Onyń áriptesi qyzmettik qarýdy alǵannan keıin, K.-dan belbeýin baılap alý úshin odan qarýdy ustaı turýyn suraǵan.</p>

«Sottalýshy K. óz kezeginde qyzmettik qarýdy alyp, erejeni saqtamastan, qarýdy joǵary-tómen sermegen. Osy áreketteriniń saldarynan abaısyzda qarsy aldynda turǵan áriptesiniń basynan atyp jibergen. Qyzmetker alǵan jaraqatynan sol jerde mert boldy», - dep habarlady Almaty qalalyq sotynyń baspasóz qyzmetinen.
Sottalýshy kinásin tolyq moıyndap, jasaǵan áreketine ókindi.

«Sot K.-ny QR Qylmystyq kodeksiniń 104-babynyń 1-bóligimen kináli dep tanyp, 1 jyl 6 aıǵa bas bostandyǵynan aıyrdy. Sondaı-aq sot sottalýshydan jábirlenýshiniń paıdasyna moraldyq shyǵyn úshin 10 mıllıon teńge jáne materıaldyq shyǵyn úshin shamamen 3,5 mıllıon teńge óndirdi», - dep atap ótti sottan.

Eske salaıyq, byltyr 5 maýsym kúni 28 jastaǵy serjant qyzmettik qarýmen abaısyzda óz áriptesine oq atty, jábirlenýshi alǵan jaraqatynan qaıtys boldy.