Almatyda ótken jyly 118 páterdi tonaǵan 24 qylmystyq top ustaldy

<p>ALMATY. KAZINFORM &ndash; Almaty óńirlik kommýnıkatsııalar qyzmetinde ótken brıfıngide Almaty qalalyq polıtsııa departamentiniń baspasóz hatshysy Saltanat Ázirbek ótken jyly páter men kólikterdi tonap, ustalǵan qylmysty toptar týraly statıstıkany jarııalady.</p>

Spıkerdiń sózinshe, ótken jyly Almatyda bótenniń múlkin urlaǵan 3 079 adamdy ustaldy, onyń 150-den astamy sheteldikter. Sonyń nátıjesinde 118 páterdi tonaǵan 24 qylmystyq top quryqtaldy.

«Sondaı-aq kólikterdiń qulpyn buzyp, áınekti syndyryp, bólshekteý arqyly urlyqpen aınalysqan 17 top ustaldy. Sonymen qatar, qoǵamdyq oryndarda, atap aıtqanda, saýda ortalyqtary, bazarlar, qoımalar, kompıýterlik klýbtar jáne taǵy basqa oryndarda jeke zatty urlaýmen aınalysqan 119 toptyń joly kesildi. 314 ury ustaldy, olar bótenniń múlkin urlaýdyń 488 deregine qatysty sottaldy», - dep atap ótti Saltanat Ázirbek.

Onyń málimetinshe, ótken jyly Almatyda bótenniń múlkin urlaý deregi 36,8%-ǵa azaıǵan, onyń ishinde páter tonaý, qalta urlyǵy, avtokólik salonynan urlaý jáne t.b. Al qylmystyń bul túrin ashý kórsetkishi 13,9%-ǵa jaqsarǵan.