Almatyda ótken túni iri jol apaty boldy

<p>Almatyda ótken túni birneshe avtokóliktiń qatysýymen iri jol apaty boldy, dep habarlaıdy <a href="Kazinform" target="_blank" rel="noopener">Kazinform</a>.</p>

Ótken túni Almaty oryn alǵan jol apatynyń vıdeolary áleýmettik jelige shyqty. 

Vıdeodaǵy jazbada jol apaty Turǵyt Ozal kóshesi men Tóle bı dańǵylynyń qıylysynda bolǵany jazylǵan.

«Kýágerlerdiń aıtýynsha BMW X5 avtokóligi iri jol apatyn jasady. Qaza tapqandar bolǵan joq», - delinedi vıdeodaǵy jazbada.
Almaty qalalyq polıtsııa departamentinde atalmysh jol-kólik oqıǵasy boıynsha Almaly aýdanynyń polıtsııa basqarmasy tergeý bastaǵanyn habarlady.
«Atalmysh jol apaty túngi ýaqytta Turǵyt Ozal kóshesi men Tóle bı dańǵylynyń qıylysynda oryn aldy. Qazirgi tańda tıisti saraptamalar men tekserý jumystary taǵaıyndaldy», - dep habarlady qalalyq polıtsııa departamentiniń baspasóz hatshysy Saltanat Ázirbek.