Almatyda otbasylyq zorlyq-zombylyqqa qatysty qylmys sany 95%-ǵa azaıǵan

<p>ALMATY. KAZINFORM &ndash; Óńirlik kommýnıkatsııalar alańynda ótken brıfıngide Almaty qalasy Polıtsııa departamenti jergilikti polıtsııa qyzmeti basqarmasy bastyǵynyń orynbasary Aıtan Eleýsizov megapolıste otbasylyq-turmystyq qatynastar salasyndaǵy qylmystar sany azaıǵanyn aıtty.</p>

«Osy jyldyń alǵashqy bes aıynda Almatyda otbasylyq-turmystyq qatynastar salasynda 23 qylmys tirkeldi. Bul ótken jyldyń sáıkes kezeńimen salystyrǵanda 95%-ǵa tómen jáne qabyldanǵan sharalardyń oń nátıjesin kórsetip otyr», - dedi Aıtan Eleýsizov.

Sondaı-aq polıtsııa ókili otbasy uıytqysyn buzǵan azamattarǵa profılaktıkalyq esepke qoıý, jeke-profılaktıkalyq jumys júrgizý, alkogolızmnen májbúrlep emdeýge jiberý syndy profılaktıkalyq sharalar júrgiziletinin atap ótti. Barlyǵy jyl basynan beri profılaktıkalyq esepke 3717 adam qoıylǵan, onyń ishinde 3279-yna qorǵaý uıǵarymy shyǵarylǵan jáne 438 adamnyń quqyq buzýshynyń minez-qulqyna erekshe talaptar belgilengen. Mamandandyrylǵan emdeý-aldyn alý mekemesine 90 adam májbúrlep emdeýge jiberilgen.

Sondaı-aq senim telefony boıynsha 321 áıelge konsýltatsııalyq kómek kórsetilse, MTJK ınspektorlary konsýltatıvtik-quqyqtyq kómekke júgingen 391 áıeldi qabyldaǵan.