Almatyda Otan qorǵaýshy kúnine arnalǵan kontsert ótti

<p>ALMATY. KAZINFORM &ndash; Respýblıka saraıynda ardagerlerge, Otan qorǵaýshylarǵa, sondaı-aq áskerı joǵary jáne orta oqý oryndarynyń kýrsanttaryna arnalǵan merekelik kontsert ótti. Іs-sharaǵa Almaty qalasynyń ákimi Erbolat Dosaev qatysty.</p>

Kontsertte qazaqstandyq estrada juldyzdary Mádına Sádýaqasova, «Alashuly» toby, Saıa Mahambet jáne taǵy basqa ánshiler Otan, el men jer týraly án saldy.

Sonymen qatar, merekelik keshte 38-shi desanttyq-shabýyldaý brıgadasynyń áskerı ansambli óner kórsetip, patrıottyq ánder aıtyp, bı bıledi.

Mereke armııa generaly, táýelsiz Qazaqstannyń tuńǵysh qorǵanys mınıstri, halyq qaharmany Saǵadat Nurmaǵambetov pen Raqymjan Qoshqarbaevtyń 100 jyldyǵyna arnaldy. Olardyń qurmetine IL Canto kvarteti «Saǵadat» jáne «Myqty adamdar...» ánin oryndady. 

Foto: Almaty ákimdigi

Kontserttik baǵdarlama estradalyq-sımfonııalyq orkestrdiń súıemeldeýimen áskerı ansambl solısteri shyrqaǵan «Meniń Otanym» ánimen aıaqtaldy.

Otan qorǵaýshy kúnine oraı, Almatynyń barlyq mektebinde «Erlik sabaqtary», synyp saǵattary, mánerlep oqý saıystary ótti.

Aıta keteıik, 7 mamyrda Almatynyń aýdandarynda merekelik is-sharalar ótedi. 

Foto: Almaty ákimdigi

Bostandyq aýdanynda saǵat 09:00-de «El erteńi - búgingi jastar» atty saltanatty is-shara ótip, áskerı qyzmetshiler marapattalady, qonaqtar úshin saptyq marsh uıymdastyrylady.

Jetisý aýdanynda saǵat 11:00-de «Belgisiz sarbazdyń qabiri» eskertkishine gúl shoqtary qoıylady. 

Foto: Almaty ákimdigi

Alataý aýdanynda saǵat 11:00-de ákimdik ǵımaratynyń aldynda «Er esimi – el esinde» eskertkishine gúl shoqtary qoıylady.