Almatyda órtenip jatqan kópqabatty úıden 15 adam evakýatsııalandy

<p>ALMATY. KAZINFORM &ndash;Almatyda kópqabatty turǵyn úılerdiń birinde órt shyǵyp, qutqarýshylar 15 adamdy qaýipsiz jerge shyǵardy.</p>

Onyń vıdeosy áleýmettik jelide tarady. Onda Naýryzbaı aýdanyndaǵy «Premera» turǵyn úı kesheninde órt shyqqany habarlandy. 

«Almatyda kópqabatty turǵyn úıden órt shyqty. Tilsiz jaý qońyraý túsken sátten bastap 22 mınýt ishinde sóndirildi. Qazirgi kezde órttiń shyǵý sebebi anyqtalyp jatyr. Zardap shekkender týraly málimet joq. Qutqarýshylar 15 adamdy evakýatsııalady», - dep habarlady QR Tótenshe jaǵdaılar mınıstrliginiń baspasóz qyzmeti.

Eske sala keteıik, Almatyda shaqyrtýǵa kelgen jedel járdem qyzmetkerlerin úı ıesi uryp, páterinen shyǵarmaı qoıǵany habarlanǵan edi. Feldsher bolǵan oqıǵany vıdeoǵa túsirip, áleýmettik jelidegi paraqshalarda bólisken bolatyn.