Almatyda órtengen hostel qurylys talaptary men órt qaýipsizdigi erejelerin buza otyryp salynǵan

<p>Almatyda órtengen hostel ǵımaratynyń ıesi &ndash; &laquo;KÝSA Halyq&raquo; JShS. Ony jalǵa alǵan &ndash; &laquo;ALA Hostel&raquo; JShS. Jaldaý týraly kelisimshart bıyl 21 qyrkúıekte jasalǵan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Almaty ákimdiginiń málimetinshe, jer ýchaskesiniń nysanaly maqsaty – dúkendi paıdalaný jáne qyzmet kórsetýge arnalǵan.

«Bul nysan bir jarym aı buryn hostelge aınalǵan. Hosteldyń alańy – 457 sharshy metr. Aıta ketý kerek, «Sáýlet, qala qurylysy jáne qurylys qyzmeti týraly» QR zańyna sáıkes úı-jaılardy qaıta jabdyqtaý kezinde ruqsat qujattaryn alý kerek. Bul rette Almaty qalalyq josparlaý jáne ýrbanıstıka basqarmasy qaıta jabdyqtaýǵa arnalǵan bastapqy ruqsat qujattaryn (APZ, sheshim) bermegen. Dúkennen hostelge fýnktsıonaldyq maqsaty ózgergen kezde sanıtarlyq-epıdemıologııalyq, qurylys talaptary men órt qaýipsizdigi erejelerin oryndaý qajet. Sanıtarlyq-epıdemıologııalyq talaptardyń 23-tarmaǵyna sáıkes hosteldi jertóle jáne jertóle qabattarynda ornalastyrýǵa tyıym salynady», - delinedi habarlamada.

Osylaısha hosteldiń joǵaryda atalǵan mekenjaı boıynsha sanıtarlyq-epıdemıologııalyq, qurylys talaptary men órt qaýipsizdigi erejelerin buza otyryp, zańsyz ornalasqany anyqtaldy.

Almatyda hostelde bolǵan órt týraly sońǵy málimetterdi jazǵan edik.