Almatyda Ortalyq Azııa elderiniń kóshbasshy áıelderi bas qosty

<p>ALMATY. KAZINFORM - Almatyda Ortalyq Azııa eldiriniń áıel-kóshbasshylary bas qosty. Olar genderlik teńdik, beıbitshilik, bıznes jáne bala tárbıesi máselelerin talqylap jatyr.&nbsp;</p>

Forýmǵa 20 elden 50-den astam spıker keldi. Olardyń ishinde amerıkalyq kásipker jáne Tesla kompanııasynyń quryltaıshysy Ilon Masktyń anasy Meı Mask, Reseıdiń tanymal jýrnalısi Ksenııa Sobchak, Wildberries marketpleısiniń negizin qalaýshy Tatıana Kım bar.

Foto: Kazinform/Aleksandr Pavskıı

Ártúrli qyzmet salasynyń juldyzdary ózderiniń jetistikteri týraly áńgimelep, mamandyq tabý, ózin yntalandyrý, senimsizdikti jeńý jáne óz jetistikteriniń tarıhyn jasaý týraly paıdaly keńesterimen bólisedi.

Foto: Kazinform/Aleksandr Pavskıı

Forýmnyń negizgi taqyryptary:
* Ózińizdiń maqsattaryńyz ben súıikti isińizdi tabyńyz;
* Jeke brend: qalaı jasaý kerek jáne ol sizge ne úshin kerek;
* Ózińizge senimdilik: óz ómirińizdiń basty keıipkerine qalaı aınalýǵa bolady;
* Kedergilerdi eńserý: armanǵa qalaı jetýge bolady;
* Jas kedergi emes: jas ereksheligin óz paıdańyzǵa qalaı aınaldyrý kerek;
* Qaıyrymdylyq: álemdi jaqsy jaqqa qalaı ózgertýge bolady.
Forýmǵa úsh myńnan astam adam qatysyp jatyr.

Aıta keteıik, kirý aqyly. Bılettiń baǵasy 10-200 myń teńge aralyǵynda.