Almatyda órt sóndirý-qutqarý sporty boıynsha álem chempıonaty ótedi

<p>ALMATY. KAZINFORM &ndash; Almatyda 15-18 tamyz aralyǵynda órt sóndirý-qutqarý sporty boıynsha jasóspirim uldar jáne qyzdar arasynda álem chempıonaty ótedi. Halyqaralyq jarysqa 6 eldiń qutqarýshylary qatyspaq.</p>

«Qazaqstandyq órt sóndirýshiler men qutqarýshylardyń sport federatsııasy» QB bas mamany Erkejan Tólegen sporttyń osy túrinen halyqaralyq jarystardy uıymdastyrýda elimizdiń mol tájirıbesi bar ekenin aıtty.

«2014 jáne 2021 jyldary biz erler men áıelder arasynda álem chempıonattaryn ótkizdik. 2018 jyly Almaty qalasynda erler men áıelder arasynda halyqaralyq jarystar ótti. Endi alǵash ret Almaty qalasynda jasóspirimder uldar men qyzdar arasynda álem chempıonatyn ótkizetin bolamyz», - dedi ol.

Chempıonat tórt baǵyt boıynsha ótkiziledi. Olardyń ekeýi jeke birinshilik bolsa, ekeýi komandalyq saıys. Halyqaralyq jarystyń ashylý saltanaty 15 tamyzda saǵat 19.00-de Ortalyq stadıonda ótedi.

Aıta keteıik, búginde elimizde órt sóndirý-qutqarý sporty boıynsha 20 erler, 14 áıelder jáne 16 jasóspirimder komandasy bar.