Almatyda onlaın satylǵan 8 myń veıp tárkilendi

<p>ALMATY. KAZINFORM &ndash; Almaty polıtsııasy 8 myń veıpti tárkiledi. Quqyq buzýshylar bul ónimderdi onlaın platformalarda satqan.</p>

«Messendjerler arqyly kúdiktiler taýardyń sany men jetkiziletin mekenjaıy kórsetilgen onlaın tapsyrystar alyp otyrǵan. Satyp alýshyǵa jetkizý kýrerlik qyzmetter arqyly júzege asyryldy. Veıp kópqabatty úılerdiń jertólesinde, kompıýterlik klýbtardyń ishinde, bir sózben aıtqanda, qupııalylyq sharalaryn saqtaı otyryp ornalastyrylǵan. Bir kezderi jumys istegen resmı dúkender jabylǵandyqtan, onlaın túrde tyıym salynǵan veıpterdi satý derekteri bar. Tek sońǵy 24 saǵattyń ishinde zańsyz aınalymnan 8 myńnan astam veıp pen onyń quramdas bólikteri tárkilendi», - dedi Almaty qalasy Polıtsııa departamenti bastyǵynyń orynbasary, polıtsııa polkovnıgi Qýatbek Naýatov.

Eske salaıyq, buǵan deıin Almaty oblysynda quny 2 mln teńge bolatyn veıpter tárkilengenin jazǵan edik.