Almatyda onkúndik mólsherindegi qar jaýdy
15-16 jeltoqsan kúnderi Almaty qalasynda qalyń qar jaýdy. Onyń qalyńdyǵy qalada 22 sm-ge, Kamensk ústirtinde — 40 sm-ge, Shymbulaqta — 42 sm-ge jetti.
Qardy tazalaýǵa táýlik boıy 600-den astam arnaıy tehnıka men 1080 jol jumysshysy jumyldyryldy.
Jalpy qar jaýyp bastaǵaly qala kóshelerinen 520 m³ qar shyǵarylǵan.
— Qardy ýaqtyly shyǵarý boıynsha jumystardy uıymdastyrý maqsatynda avtokólik júrgizýshilerinen avtokólikti jol jıekterine, ásirese túngi ýaqytta qoımaýyn suraımyz. Bir táýlikte jaýǵan qardyń mólsheri onkúndik normany quraǵanyna baılanysty, qalanyń negizgi magıstral kóshelerinen qar shyǵarý búgin túnde aıaqtalady, — dep habarlady ákimdikten.
Eske salaıyq, buǵan deıin Almaty áýejaıynda aýa raıyna baılanysty reıster keshigip jatqanyn jazǵanbyz.