Almatyda onkologııalyq aýrýǵa shaldyqqan naýqastar sany artty

<p>ALMATY. KAZINFORM- Almaty onkologııalyq ortalyǵynda emdelýshiler sany jyl saıyn artyp keledi. Bul týraly óńirlik kommýnıkatsııalar qyzmetinde ótken baspasóz máslıhatynda Almaty onkologııa ortalyǵynyń dırektory Nursultan Іzmaǵambetov aıtty.</p>

Spıkerdiń sózinshe, byltyr Almaty 5491 adamnan qaterli isik anyqtalyp, esepke qoıyldy.

«Almaty onkologııa ortalyǵynyń esebinde 31 866 patsıent bar. 2023 jyldyń qorytyndysy boıynsha esepke alynǵan 5 491 patsıenttiń 16,2 paıyzy Almaty qalasyna basqa óńirlerden kelip tirkeldi. Sol 890 naýqastyń 125-de aýrý asqynǵan kezeńde anyqtalyp otyr. 2022 jylmen salystyrǵanda qaterli isikke shaldyqqandar sany 8,2 paıyzǵa kóbeıdi»,-deıdi Nursultan Іzbaǵambetov.

Ortalyq dırektorynyń aıtýynsha, qaterli isikten bolatyn ólim-jitim úsh jylda 12,4%  tómendegen.

«Ótken jyly Almatynyń onkologııalyq ortalyǵynda 22576 naýqas emdeldi. Hırýrgııalyq bólimshelerde 2681 ota jasaldy. Bul rette operatsııanyń 55% az ınvazıvti ádispen júrgiziledi. Búgingi tańda hımıoterapııanyń 50-ge jýyq túri, 40-tan astam maqsatty jáne gormonaldy preparat qoldanylady, sonyń arqasynda 18 790 patsıent hımıoterapııalyq em aldy»,-deıdi onkolog.