Almatyda oqýshylar shaǵyn sáýlet nysandaryn jasap, 2 myńnan astam qyzǵaldaq otyrǵyzdy

<p>ASTANA. KAZINFORM - &laquo;Almaty - bizdiń ortaq úıimiz&raquo; naýqany aıasynda Naýryzbaı aýdanynyń mektep oqýshylary ata-analarymen jáne muǵalimderimen birge oqý oryndarynyń aýmaǵynda túrli sortty 2000 qyzǵaldaq otyrǵyzdy.</p>

Іs-sharaǵa belgili ánshi Talǵat Jorabaev qatysty.

Foto: Almaty ákimdigi

№157 mektepte eresekter men balalardyń ekologııalyq mádenıetti qalyptastyrýǵa, sondaı-aq olardyń shyǵarmashylyq qabiletin damytýǵa baǵyttalǵan «Qoqystyń ekinshi ómiri» baıqaýy ótti. Oqýshylardyń ózderi shaǵyn sáýlet nysandaryn jasap, olardy túrli-tústi gúldermen bezendirip, ertegi men mýltfılm keıipkerlerin óz shyǵarmashylyǵynyń keıipkerlerine aınaldyrdy.

Foto: Almaty ákimdigi

Naýryzbaı aýdanynyń 3 mektebiniń aýmaǵynda jylyjaı bar. Olardyń barlyǵy zamanaýı tamshylatyp sýarý, jylytý jáne jaryqtandyrý júıelerimen jabdyqtalǵan. Jylyjaıda jumys isteý mektep baǵdarlamasyn tájirıbelik sabaqtarmen tolyqtyrýǵa jáne muǵalimderge qyzyqty fakýltatıvti sabaqtar ótkizýge múmkindik beredi, onda oqýshylar jıdek, kókónis jáne jasyl jelekti ózderi ósiredi. Osylaısha balalardyń ekologııalyq tanymy keńeıedi.

Foto: Almaty ákimdigi

Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.

Foto: Almaty ákimdigi

Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.

Foto: Almaty ákimdigi

Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObşııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.