Almatyda nóser jaýyn: qala kóshelerin sý basty

<p>ALMATY. KAZINFORM &ndash; Almatyda qatty jańbyr jaýyp tur. Keı jerlerde jaıaý júrginshiler joly men kóshelerdi sý basty. Kommýnaldyq qyzmetter táýlik boıy jumys istep jatyr.</p>

Foto: Aleksandr Pavskıı / Kazinform

Megapolıste tańerteńnen bastalǵan jańbyr tolastar emes. Sınoptıkterdiń boljaýynsha, jaýyn 17 sáýirge deıin jaýady. Búgin tańǵy saǵat 9:00-degi jaǵdaı boıynsha 28 mm kóleminde jańbyr jaýǵan.

Foto: Aleksandr Pavskıı / Kazinform

Áleýmettik jelide almatylyqtar tańǵy ýaqytta túsirilgen foto jáne vıdeolarmen bólisip jatyr. Kadrlardan jol boıynda sýdyń jınalyp qalǵanyn kórýge bolady. 

Sondaı-aq qalanyń kóptegen kósheleri, sonyń ishinde Saın, Momyshuly kósheleri men Raıymbek dańǵyly sý astynda qaldy. Sonymen qatar, jer asty ótkelderine sý tolyp, turǵyndarǵa qosymsha qıyndyqtar týǵyzdy.

Foto: Aleksandr Pavskıı / Kazinform

Tótenshe jaǵdaılar departamentiniń málimetinshe, saǵat 9:00-degi jaǵdaı boıynsha 12 aýmaqqa sý jınalǵan. Onyń altaýy - jeke turǵyn úı. Oǵan sebep - aryq jelileriniń bitelýi.

Almaty qalasynyń Kommýnaldyq ınfraqurylymdy damytý basqarmasynan atap ótkendeı, kúndizgi aýysymǵa 425 birlik arnaıy tehnıka jáne 802 jumysshy jumyldyryldy.

Foto: Kazinform

Motopompa, tazalaýshy zattarmen jáne basqa da qajetti shants quraldarymen jaraqtandyrylǵan 52 jedel mobıldi brıgada jol astyndaǵy aryq arqyly sýdyń kedergisiz aǵyp ketýin qamtamasyz etý jáne problemalyq ýchaskelerdegi sý tasqynyn joıý úshin kezekshilik uıymdastyryldy.

2,3 myń qap qum daıyndaldy. Aýdan ákimdikterinde jumysty baqylaý úshin táýlik boıy kezekshilik uıymdastyryldy.

Foto: Aleksandr Pavskıı / Kazinform