Almatyda murjasy tazalanbaǵan kafeden órt shyqty

<p>ALMATY. KAZINFORM &ndash; Almatyda maı basqan murjasy úshin bir kafe órtenip kete jazdady.</p>

«Órt sóndirýshiler saǵat 11.12-de Almaly aýdany Baızaqov kóshesi, 44 mekenjaıynda bolǵan órtke jiberildi. Oqıǵa ornyna 3 mınýtta jetken órt sóndirýshiler «Múbarak» kafesiniń 1 sharshy metr aýmaqtaǵy órttiń ary qaraı taralýyna jol bergen joq. Órt saǵat 11.24-te joıyldy. Qaza tapqandar men zardap shekkender bolǵan joq», - delindi TJD-nyń habarlamasynda. 

Órttiń aldyn-ala shyǵý sebebi kafeniń shatyryndaǵy murjanyń ishinde maı qaldyqtary janǵan. Órtke qarsy 16 órt sóndirýshi men 4 tehnıka jumyldyryldy.

Foto: Almaty qalalyq TJD

Almaty qalalyq tótenshe jaǵdaılar departamenti qoǵamdyq tamaqtandyrý obektileriniń ıelerine órttiń aldyn alý úshin murjalarda jınalǵan maı men qoqystardy ýaqtyly tazartý qajet ekenin eskertti.