Almatyda Muqanov kóshesin uzartý úshin jer ýchaskeleri májbúrli túrde alynady

<p>ALMATY. KAZINFORM &mdash; Almaty ákimdigi Muqanov kóshesin uzartý jumystaryn jalǵastyrý úshin jer telimderin májbúrli túrde alý týraly qaýly shyǵardy.</p>

Memleket muqtajy úshin jer telimderin alyp qoıýǵa baılanysty jer telimderin nemese ózge de jyljymaıtyn múlikti májbúrlep ıelikten shyǵarýdy bastaý týraly qaýly Almaty qalalyq jer qatynastary basqarmasynyń saıtynda jarııalandy. 

«Muqanov kóshesin Gogol kóshesinen Raıymbek dańǵylyna deıin uzartý úshin Almaty qalasy, Almaly aýdanynda ornalasqan jer ýchaskelerin memleket muqtajy úshin alyp qoıýǵa baılanysty jer ýchaskelerin nemese ózge de jyljymaıtyn múlikti osy qaýlynyń qosymshasyna sáıkes májbúrlep ıelikten shyǵarý bastalsyn», — delingen qujatta.

Qaýlyǵa sáıkes, májbúrlep ıelikten shyǵarý 2026 jyldyń 31 jeltoqsanyna deıin aıaqtalýy tıis.

Tárkileýge jatatyn jyljymaıtyn múliktiń ıeleri ótemaqy tóleý jáne odan ári áreket etý máseleleri boıynsha Almaty qalasy, Bostandyq aýdany, Abaı dańǵyly, 90, 801 kabınet mekenjaıy boıynsha keńsege habarlasa alady.

«Almaty qalasynyń Jer qatynastary basqarmasy» kommýnaldyq memlekettik mekemesine menshik ıelerin habardar etip, zańǵa sáıkes ótemaqy tóleýdi qamtamasyz etý tapsyryldy. Atalǵan protses aıaqtalǵannan keıin jer telimderi Almaty qalalyq mobıldilik basqarmasynyń balansyna beriledi.

Osyǵan deıin Rysqulov dańǵylyn uzartý úshin Alataý aýdanyndaǵy Ońǵarsynova kóshesinen qala shekarasyna deıin ornalasqan 72 jer ýchaskesi memleket qajettiligine májbúrli túrde alynǵany týraly jazǵan edik.