Almatyda múgedektigi bar adamdarǵa arnalǵan JOBCOACH jobasy bastalady

<p>ALMATY. KAZINFORM - Almatyda múgedektigi bar adamdardy qoldaý maqsatynda 15 mlrd teńge bólindi.</p>

Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov megapolıste bıyl jańa bastalatynyn aıtty.

- 2025 jyldan bastap Almatyda jumys ornynda múgedektigi bar adamdardy alyp júrý jáne beıimdeý úshin «JOBCOACH» jobasy bastaldy. Bıyl 300 adamdy qamtý josparlanǵan. Aıtylǵan joba 2030 jylǵa deıin iske asyrylady, - dedi ol.

Onyń aıtýynsha, múgedektigi bar adamdardy áleýmettik qoldaý maqsatynda jergilikti bıýdjetten 15 mlrd teńgeden astam qarajat bólingen. 41 myńnan astam adam qajetti tehnıkalyq quraldarmen jáne ońaltý qyzmetterimen qamtamasyz etilgen.

- Múgedektigi bar adamdarǵa jáne júrip-turýy qıyn múgedektigi bar balalarǵa qosymsha «Invataksı» qyzmetteri usynylady, ol memlekettik áleýmettik tapsyrys arqyly 100 avtokólikpen júzege asyrylady, - dep atap ótti basqarma basshysy.

Eske salaıyq, buǵan deıin Almatyda 1656 avtobýs júrgizýshisiniń quqyǵy qorǵalǵanyn jazǵanbyz.