Almatyda muǵalimder is júzinde kórsetilmegen qyzmetteri úshin tólemaqy alyp otyrǵan

<p>ASTANA. KAZINFORM — Almaty oblysynyń prokýratýrasy «Baqytty jáne qaýipsiz balalyq shaq» jobasy aıasynda ınklıýzıvti oqytý máselesi boıynsha Bilim basqarmasynda tekseris júrgizdi.</p>

Tekseris barysynda statsıonarlyq emdelý kezinde erekshe bilim berýdi qajet etetin 55 balany oqytýǵa jaýapty muǵalimderge is júzinde kórsetilmegen bilim berý qyzmetteri úshin negizsiz tólemaqy taǵaıyndalǵany anyqtaldy.

— Tekserý qorytyndysy boıynsha memleket bıýdjetinen negizsiz jumsalǵan 4,5 mln teńgeden astam qarajat qaıtaryldy. Zańnamaǵa sáıkes kináli tulǵalar jaýapkershilikke tartyldy, — delingen vedomstvo taratqan aqparatta.

Almaty oblysynyń prokýratýrasy bul baǵyttaǵy jumysty jalǵastyrýda. Prokýratýra ınklıýzıvti oqytý standarttaryn saqtaý men memlekettik qarajatty tıimdi paıdalaný ár balaǵa teń múmkindikterdi qamtamasyz etýdiń mańyzdy sharty ekenin eske salady.

Eske salsaq, buǵan deıin mınıstrlik sýdy kóleńkeli naryqta satqandardyń isin Bas prokýratýraǵa joldaǵany habarlandy.