Almatyda moped júrgizýshisi júk kóligimen soqtyǵysyp mert boldy

<p>ALMATY. KAZINFORM &ndash; Almatyda KamAZ moped aıdaǵan 22 jastaǵy jigitti qaǵyp ketti. Onyń vıdeosy áleýmettik jelide tarap jatyr. Jol apaty B. Momyshuly kóshesinde bolǵan.</p>

Qalalyq polıtsııa departamenti adam ólimine ákelgen jol-kólik apaty boıynsha sotqa deıingi tergeý júrgizilip jatqanyn málimdedi.

«22 jastaǵy moped júrgizýshisi «Iveko» markaly júk kóligimen soqtyǵysý saldarynan qaza tapty. Saraptama taǵaıyndaldy», — dep atap ótti Almaty polıtsııa departamentiniń baspasóz qyzmeti.

Buǵan deıin Almaty qalasynyń polıtseıleri megapolıste júrgizýshiniń basyn jarǵan mopedshilerdi izdestirip jatqany týraly jazǵan edik.