Almatyda moped júrgizýshisi áıeldi qaǵyp ketti: ekeýi de qaza tapty
17:57, 30 Maýsym 2024
<p>ALMATY. KAZINFORM – Almatyda «Altyn Orda» bazarynyń mańynda moped júrgizýshisi áıel adamdy qaǵyp ketti. Jol apaty saldarynan ekeýi de qaza tapty. Onyń vıdeosy <a href="https://t.me/kris_p_almaty_official/23881" target="_blank" rel="noopener">áleýmettik jelide</a> tarady.</p>
Almaty polıtsııa departamentiniń málimetinshe, jol apaty 30 maýsymǵa qaraǵan túni saǵat 02:50-de qalanyń Naýryzbaı aýdanynda boldy.
«Moped júrgizýshisi, 2002 jyly týǵan jas jigit Raıymbek dańǵylymen shyǵys baǵytta kele jatyp, 25-30 jastar shamasyndaǵy jaıaý júrginshini qaǵyp ketti. Áıeldiń kim ekeni anyqtalyp jatyr. Apat saldarynan moped júrgizýshisi de, jaıaý júrginshi de oqıǵa ornynda qaza tapty», - delingen habarlamada.