Almatyda moped pen jeńil kólik soqtyǵysyp, jas qyz mert boldy

<p>ALMATY. KAZINFORM &ndash; Almatyda moped pen Toyota Camry kóligi soqtyǵysyp, bir qyz mert boldy.</p>

Almaty qalalyq Polıtsııa departamentinen málim etkendeı, jol apaty búgin tańǵy saǵat alty shamasynda Túrksib aýdanynda bolǵan.

«Erjanov kóshesimen soltústik baǵytta kele jatqan moped júrgizýshisi joldyń qarsy betine shyǵyp ketip, Toyota kóligine soǵyldy. Saldarynan moped jolaýshysy jas qyz jan tásilim etti», - dedi Almaty PD resmı ókili Saltanat Ázirbek.

Adam ólimine ákelgen jol apaty boıynsha qylmystyq is qozǵaldy. 

Osyǵan deıin Almaty mańynda tanymal bloger ári kásipker Beıbit Álibekovtiń Lamborghini kóligin alyp, odan sekirip ótpek bolǵan jas jigit mert bolǵan edi.