Almatyda monopolıst kompanııalarǵa 2,2 mlrd teńge aıyppul salyndy

<p>ALMATY. KAZINFORM - Almaty qalasy boıynsha Básekelestikti qorǵaý jáne damytý agenttigi departamenti basshysynyń orynbasary osy jyldyń 8 aıyndaǵy departament jumysynyń nátıjeleri týraly baıandady.</p>

Onyń aıtýynsha, Básekelestikti qorǵaý jáne damytý agenttiginiń negizgi mindetteri - adal básekelestikti damytýǵa járdemdesý, monopolııaǵa qarsy zańnamany buzýshylyqtardyń aldyn alý jáne jolyn kesý.

«2024 jyly departament Almaty qalasynyń túrli naryqtaryndaǵy básekelestiktiń jaı-kúıine 23 taldaýdy aıaqtady. Onyń ishinde turaq, azyq-túlik rıteıli, telekommýnıkatsııa, energetıka jáne basqa da qyzmet naryqtary bar. Taldaý barysynda 34 domınant jáne 2 monopolıst anyqtaldy. Jumys nátıjeleri boıynsha 2,2 mlrd teńge aıyppul salyndy, onyń 1,3 mlrd teńgesi óndirildi», - dedi ol.

Naryqtaǵy ústemdigin teris maqsatta paıdalanǵan kompanııalar qatarynda «Petrosun» JShS, «QTJ magıstraldyq jeliler» JShS jáne «Almatygaz» abonenttik esep aıyrysý ortalyǵy» JShS bar. Departament árbir is boıynsha uıǵarymdar shyǵaryp, aıyppuldar salǵan.

Eske salaıyq, buǵan deıin monopolııaǵa jol bergen QazMunaıGazǵa jarty mlrd teńge aıyppul salynǵanyn jazǵanbyz.