Almatyda meıramhana órtendi
18:55, 31 Shilde 2024
<p>ALMATY. KAZINFORM – Almatyda Bostandyq aýdanynda ornalasqan «Mımıno» meıramhanasy otqa orandy. Órt sóndirýshiler oqıǵa ornyna 5 mınýtta keldi.</p>
«31 shilde 17:16-de Almaty qalasynyń TJD kúshteri men quraldary Bostandyq aýdany, Orbıta shaǵyn aýdanyna joǵary dabyl boıynsha jiberildi. Qutqarýshylar oqıǵa ornyna 5 mınýtta jetip, meıramhanaǵa japsarlas salynǵan mangal ornalasqan úı-jaıdyń 42 sharshy metri otqa oranǵanyn anyqtady. Abyroı bolǵanda, zardap shekkender joq. Órt 8 mınýt ishinde oqshaýlanyp, 17:32-de tolyǵymen joıyldy», - dep habarlady TJD baspasóz qyzmeti.
Eske salaıyq, osy jyldyń 7 aıynda Almatyda 388 órt bolǵan.
Sonymen qatar búgin Tarazda qasaqana órtelgen úıdiń ishinde áıel kóz jumǵanyn jazǵan bolatynbyz.