Almatyda Memlekettik tý saltanatty túrde kóterildi

<p>ALMATY. KAZINFORM - Almatyda Rámizder kúnine oraı Medeý muz aıdynynda kók tý kókke kóterildi.</p>

Baıraq memlekettik Ánuran shyrqalǵanda tuǵyrǵa kóterildi.

Patrıottyq is-shara «Medeý bıik taýly sport kesheninde ótti. Saltanatty is-sharaǵa Almaty ákimi Erbolat Dosaev, mádenıet jáne sport qaıratkerleri, qoǵam, QHA jáne jastar uıymdarynyń ókilderi qatysty. 

Foto: Almaty ákimdigi

Іs-sharaǵa myńnan astam adam qatysty.

Qala aýdandarynda da merekelik is-sharalar men Ánuran saltanatty túrde shyrqaldy. Almaty turǵyndary saıabaqtarda, mektepterde jáne basqa da qoǵamdyq oryndarda elimizdiń Ánuranyn oryndady. 

Foto: Almaty ákimdigi

Merekelik is-sharalar «Alataý» dástúrli óner teatrynda merekelik kontsert jáne Jambyl atyndaǵy Qazaq memlekettik fılarmonııasynda Tilendıev atyndaǵy «Otyrar sazy» akademııalyq folklorlyq-etnografııalyq orkestriniń «Meniń elim» patrıottyq kontsertimen aıaqtalady.

Eske salaıyq, 2019 jyly Medeýge Almatydaǵy eń úlken Memlekettik tý ornatylǵan bolatyn. 

Týtuǵyrdyń bıiktigi - 40 metr. Týdyń eni - 7 metr, uzyndyǵy - 14 metr.