Almatyda qansha ǵımarat memleketke qaıtarylyp, aýktsıonda satyldy
«Qaıtarylǵan aktıvterdi basqarý kompanııasy» 2023 jylǵy 21 qyrkúıekte qurylǵan. Tolyqtaı memleket menshigine tıesili kompanııa memleketke qaıtarylǵan aktıvterdi qabyldap, aktıvter satylǵanǵa deıin olardy jalǵa berý, senimgerlik basqarý, óz betimen basqarý arqyly úzdiksiz jumys isteýin qamtamasyz etedi.
Vedomstvo málimetine sáıkes, qazirgi deıin Almaty qalasynda kompanııa ıeliginde bolǵan 3 nysan aýktsıonda satylǵan.
Olar: «Baıtaq» shaǵynaýdanyndaǵy jer ýchaskesi, Baıtursynov kóshesiniń boıyndaǵy ákimshilik ǵımarat jáne «Orıon» bıznes-ortalyǵy.
— «Baıtaq» shaǵynaýdanyndaǵy jer ýchaskesi aýktsıonǵa 176 mln teńge baǵamen shyǵarylyp, nátıjesinde 657 mln teńgege satylǵan.
— Baıtursynov kóshesi, 46 mekenjaıynda ornalasqan ákimshilik ǵımarattyń satylymǵa shyǵarylǵan bastapqy baǵasy 663 mln teńge boldy. Al aýktsıonda satýdyń qorytyndy baǵasy 732 mln teńgege jetti.
— Medeý aýdanynda ornalasqan qurylysy aıaqtalmaǵan jer ýchaskesi («Orıon» bıznes-ortalyǵynyń ákimshilik ǵımaraty) bastapqy baǵada — 6 278 384 321 teńgege E-Qazyna platformasynda satyldy.
«Satylym ashyq elektrondy saýda-sattyq sheńberinde júrgizildi, bul bastapqy baǵamen salystyrǵanda, aktıvterdiń qunyn edáýir arttyrýǵa múmkindik berdi», — delingen kompanııa jaýabynda.
Endigi kezekte «Qaıtarylǵan aktıvterdi basqarý kompanııasy» JShS Almaty qalasynan taǵy birqatar nysandardy elektrondy saýda-sattyqqa qoıýdy josparlap otyr:
1. Jetisý aýdany Ratýshnogo, 64G mekenjaıynda ornalasqan óndiristik baza.
2. Bostandyq aýdanynyń «Kóktem-2» shaǵynaýdany, 22 mekenjaıynda ornalasqan jyljymaıtyn múlik.
3. Bostandyq aýdany Baıtursynov, 104A mekenjaıynda ornalasqan ákimshilik ǵımarat.
Eske salaıyq, buǵan deıin Qaıtarylǵan aktıvterdiń qanshasy memleket menshigine ótkenin jazǵanbyz.
Sondaı-aq Qazaqstan qaıtarylǵan aktıvterdi satýdan qansha tabys tapqany týraly málimet berilgen bolatyn.