Almatyda mektep, emhana, saıabaqtar salý úshin 222 jer telimi satyp alyndy

<p>ALMATY. KAZINFORM &ndash; Qoǵamdyq mańyzy bar jobalardy júzege asyrý úshin Almaty qalasynyń jer qatynastary basqarmasy byltyr 222 jer telimin satyp aldy.&nbsp;</p>

Almaty ákimdiginiń málimetinshe, atalǵan jer ýchaskeleri mektepter, emhanalar men saıabaqtar salý úshin satyp alyndy.

«Máselen, Seıfýllın dańǵyly men Jansúgirov kóshesiniń qıylysyndaǵy jolaıyryq; Bostandyq aýdanynda jaıly mektep salý Áýezov aýdany Qýanysh shaǵyn aýdanyndaǵy №18 emhana; Abaı-Turǵyt Ozal dańǵylyn abattandyrý jáne kógaldandyrý; Bostandyq aýdanyndaǵy «Molodejnyı» saıabaǵyn salý; Alataý aýdany Muhıtdınov kóshesindegi balabaqsha; Túrksib aýdany Álmerek shaǵyn aýdanyndaǵy otbasylyq-dárigerlik ambýlatorııa, balabaqsha jáne taǵy basqa jobalar boıynsha satyp alý aıaqtaldy», - dep atap ótti ákimdikten.

Aıta ketsek, Almaty qalasynyń jer kólemi 68,3 myń ga.

«2023 jyly qalada jer komıssııasynyń 4 otyrysy ótkizilip, 2 818 ótinish qaraldy, Almaty qalasy ákimdiginiń 1 478 jeke tulǵaǵa jáne 2 448 zańdy tulǵaǵa qatysty 516 oń qaýlysy qabyldandy. Qazirgi kezde Almaty qalasynyń jer kólemi 68,3 myń ga», - delingen habarlamada.