Almatyda medıtsınalyq-sanıtarlyq alǵashqy kómektiń biryńǵaı standarty engiziledi
Almaty qalasy Qoǵamdyq densaýlyq saqtaý basqarmasynyń basshysy Iran Shametekovtyń sózinshe, megapolıste medıtsınalyq-sanıtarlyq alǵashqy kómekti damytýǵa basymdyq berilip otyr.
Qazir Almatyda 1,8 mln adamǵa 40 memlekettik emhana, al 517 myń turǵynǵa 36 jeke emhanada qyzmet kórsetedi. Bala men qart adam kóp turatyn jerde medıtsınalyq qyzmetke júginýshiler sanynyń turaqty túrde ósip otyrǵany baıqalady. Bul faktor densaýlyq saqtaý ınfraqurylymyna, ásirese búgingi kúni 2 ese shamadan tys júktelgen MSAK uıymdaryna úlken áserin tıgizip jatyr.
«Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalardy iske asyrý aıasynda Almaty qalasynyń ákimdigi Jol kartasyn, onyń ishinde «Inklıýzıvti orta, bilim berý jáne medıtsına» baǵyty boıynsha bekitti, onda ambýlatorııalyq-emhanalyq kómekti damytýdaǵy keshendi tásildi qamtamasyz etý úshin medıtsınalyq-emhanalyq alǵashqy kómektiń biryńǵaı standartyn ázirleý men Almaty qalasynyń sanıtarlyq kómegig (biryńǵaı standart) engizýge bastamashylyq jasaldy», - dedi Almaty qalasy Qoǵamdyq densaýlyq saqtaý basqarmasynyń basshysy Iran Shametekov.
Almaty qalasynyń medıtsınalyq-sanıtarlyq alǵashqy kómektiń biryńǵaı standarty aıasynda mynalar qamtylady:
- jobalyq-tehnologııalyq sheshimderge, medıtsınalyq qyzmet kórsetý reglamentterine, menedjment pen tsıfrlandyrýǵa kózqarastardy birizdendirý jáne standarttaý
- qalanyń polıortalyǵyn damytý qaǵıdattaryna, halyq úshin «qadamdyq» qoljetimdilik qaǵıdattaryna sáıkes emhanalar salý.
2024 jyly memlekettik menshiktegi 13 MSAK medıtsınalyq nysandarynyń qurylysy men kúrdeli jóndeýin aıaqtaý josparlanyp otyr. 2027 jyly memlekettik menshiktegi MSAK-tyń 49 medıtsınalyq nysandaryn jobalaýdy, salýdy jáne kúrdeli jóndeýdi aıaqtaý jáne tehnıkalyq tekserý, qurylys-montajdaý jumystaryn bastaý jáne jeke menshik nysanyndaǵy 36 emhanany kúrdeli jóndeý josparlanǵan.
Bekitilgen halyqqa baılanysty Biryńǵaı standartta medıtsınalyq-sanıtarlyq alǵashqy kómek uıymdarynyń úsh deńgeıli qurylymy kózdelgen:
1. Aýysymyna 200 adam qabyldaıtyn medıtsınalyq-sanıtarlyq alǵashqy kómek ortalyǵy bekitilgen halyq sany 5 000-nan 30 000 adamǵa deıingi aýmaqtyq qyzmet kórsetý aımaǵy sheginde qurylady. Jalpy aýdany 4000-nan 5800 sharshy metrge deıin.
2. Bir aýysymda 300 adam qabyldaıtyn qalalyq emhana bekitilgen halyq sany 30 myńnan astam adammen qurylady. Jalpy aýdany 6800-den 8500 sharshy metrge deıin.
3. Bekitilgen halyq sany 50 myńnan asatyn aýysymda 500 adam qabyldaıtyn klınıkalyq-dıagnostıkalyq ortalyqtary bar qalalyq emhana. Jalpy aýdany 7000 -10000 sharshy metr. deıin.
Dárigerlik qyzmetkerlerge júktemeni azaıtý jáne dárigerdi kúndelikti jumystan bosatý úshin, mysaly, retseptter, joldamalar, alǵashqy tekserý, biryńǵaı standartta osy ókilettikterdi joǵary bilimi bar meıirbıkege berý qarastyrylǵan.
Buǵan qosa, Biryńǵaı standartta kóshpeli brıgadany uıymdastyrý arqyly MSAK-tyń úıde qyzmet kórsetý fýnktsııasyn ońtaılandyrý kózdelgen.
Kóshpeli brıgadaǵa qyzmet kórsetý patsıenttiń ýchaskelik dárigerge qaralmaı-aq naýqastyń jergilikti jerde test tapsyrý arqyly qyzmetti kóp kútpeı-aq alý múmkindigine jol ashady.
«Biryńǵaı standart aıasynda syrtqy (memlekettik organdar) jáne ishki (patsıentterdi qoldaý qyzmeti) medıtsınalyq qyzmetterdiń sapasyn baqylaý kózdelgen. Sapa krıterııi Almaty qalasy emhanalarynyń biryńǵaı standarty sheńberinde medıtsınalyq kómektiń joǵary deńgeıin qamtamasyz etýde sheshýshi ról atqarady. Bul patsıentterge kútim jasaý deńgeıin arttyrýǵa, emdeý nátıjesin jaqsartýǵa jáne medıtsınalyq uıymdardyń damýyna yqpal etedi», - dedi Iran Shametekov.