Almatyda máıitterdi qorlaǵan kúzetshige qatysty sot úkimi shyqty

<p>ALMATY. KAZINFORM &ndash; Almatyda máıitterdi qorlady dep aıyptalǵan máıithana kúzetshisi Aleksandr Belıaevke qatysty sot úkimi shyqty.</p>

Jabyq sot otyrysynda máıitterdi qorlady degen aıyppen B.-ǵa qatysty medıtsınalyq sıpattaǵy májbúrleý sharalaryn qoldanýǵa qatysty is qaraldy.

– Sot saraptamalyq qorytyndylarǵa súıene otyryp, B.-nyń óz is-áreketin jasaý kezinde esi durys emes jaǵdaıda boldy jáne sozylmaly psıhıkalyq aýrýǵa shaldyqqan degen qorytyndyǵa keldi, – delingen habarlamada.

Sot qaýlysymen sottalýshy esi durys emes dep tanylyp, psıhıatrııalyq statsıonarǵa májbúrlep emdeýge jiberildi.

Eske salaıyq, byltyr Almatyda máıithana kúzetshisi qaıtys bolǵan adammen jynystyq qatynas jasady degen kúdikke ilingen edi. 

Keıin QR Ádilet mınıstrligi Almaty qalasyndaǵy máıithanalardyń birinde bolǵan nekrofılııa jaǵdaıyna qatysty túsinik berip, kúdikti ádilet organdarynda jumys istemeıtinin málimdedi.