Almatyda masań kúıde kólikterge umtylǵan buzaqy 15 táýlikke qamaldy

<p>ALMATY. KAZINFORM - Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty buzaqylyq jasaǵan azamatqa qatysty ákimshilik quqyq buzýshylyq týraly isti qarady.</p>

Sot málimetine sáıkes, N. masań kúıde syrt kıimin sheship, ótip bara jatqan adamdarǵa qurmetsizdik tanytyp, qoǵamdyq tártipti buzǵan. Sotta N. kinásin moıyndap, is materıaldarynda kórsetilgen mán-jaılardy rastady.

- Sot qaýlysymen N. ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke qamaýǵa alý túrindegi ákimshilik jaza taǵaıyndaldy, - dep habarlady Almaty sotynan.

Sot qaýlysy zańdy kúshine engen joq.

Eske salaıyq, buǵan deıin Almatyda qylmys deńgeıi 10 paıyzǵa tómendegenin jazǵanbyz.