Almatyda marafonǵa baılanysty kósheler jabylady

<p>12 qarashada City Run 2023 marafonyna baılanysty Almatynyń birqatar kóshesinde kólik qozǵalysy shekteledi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Uıymdastyrýshylar málim etkendeı, qalalyq jarys Tóle bı kóshesindegi «Astana» alańynan bastaý alady.

Tóle bı kóshesiniń boıy Abylaı han dańǵylynan Panfılov kóshesine deıin tańǵy saǵat 04:00-den túski 11:00-ge deıin jabylady.

Balama jol: shyǵys baǵytynda – Gogol kóshesi, batys baǵytynda – Abaı dańǵyly.

Naýryzbaı batyr kóshesinen Abylaı han dańǵylyna deıingi jol bóliginde kólik qozǵalysy saǵat 07:45-ten 09:40-qa deıin jabylady.

Balama jol: shyǵys baǵytynda – Gogol kóshesi, batys baǵytynda – Abaı dańǵyly.

Naýryzbaı batyr kóshesinde Tóle bı kóshesinen Shevchenko kóshesine deıingi jol bóliginde kólik qozǵalysy saǵat 08:00-den 09:30-ǵa deıin shekteledi.

Balama jol: Seıfýllın dańǵyly.

Shevchenko kóshesinde Naýryzbaı batyr kóshesinen Panfılov kóshesine deıingi jol bóliginde kólik qozǵalysy saǵat 08:05-ten 09:20-ǵa deıin jabylady.

Balama jol: Abaı dańǵyly.

Panfılov kóshesinde Tóle bı kóshesinen Bógenbaı batyr kóshesine deıingi aralyq 08:15-ten 09:45-ke deıin jabylady.

Balama jol: Nazarbaev dańǵyly.

Bógenbaı batyr kóshesinde Nazarbaev dańǵylynan Abylaı han dańǵylyna deıingi jol bóliginde kólik qozǵalysy 08:15-ten 09:45-ke deıin jabylady.

Balama jol:shyǵys baǵytynda – Gogol kóshesi, batys baǵytynda – Abaı dańǵyly.

Abylaı han dańǵylynda Tóle bı kóshesinen Bógenbaı batyr kóshesine deıingi jol bóliginde kólik qozǵalysy 08:15-ten 09:45-ke deıin shekteledi.

Balama jol: Nazarbaev pen Seıfýllın dańǵyly.

«City Run – qalanyń dál ortalyǵynda ótetin maýsymnyń sońǵy jarysy. Jarys áýesqoılaryna eki júgirý qashyqtyǵy usynylǵan — 10 km jáne 5 km skandınavııalyq júris. Oǵan 2200 qatysýshy shyǵady» dep atap ótti uıymdastyrýshylar.