Almatyda marafonǵa baılanysty 74 qoǵamdyq kóliktiń baǵyty ýaqytsha ózgeredi

<p>ALMATY. KAZINFORM &mdash; Almatyda marafon sharasyna baılanysty 29 qyrkúıek kúni megapolıste birqatar kóshe jabylyp, keıbir qoǵamdyq kólikterdiń júris baǵyty ýaqytsha ózgered.</p>

Osyǵan baılanysty tańǵy saǵat 06:00-den 12:30-ǵa deıin 74 avtobýstyń baǵyty ózgerip, trolleıbýstardyń qozǵalysy toqtatylady.

«Árbir marshrýttyń ýaqytsha syzbalarymen @AlmatyJoly Telegram-arnasyndaǵy myna siltemege kirip tolyq tanysýǵa bolady», - dep habarlady ákimdikten.

Marafon Respýblıka alańynda bastalyp, sol jerde aıaqtalady. Sondyqtan Sátbaev kóshesi boıymen Jeltoqsan kóshesinen Nazarbaev dańǵylyna deıin eki jolaq 28 qyrkúıek saǵat 6:00-den 29 qyrkúıek saǵat 22:00-ge deıin jabylady.

Osyǵan deıin megapolıste Almaty Marathon-ǵa oraı birqatar kósheniń jabylatyny týraly jazǵan edik. 

Bıyl halyqaralyq marafon 13-ret uıymdastyrylady. Oǵan 50 memleketten kelgen 15 myń adam qatysady dep josparlanǵan.