Almatyda mádenıet salasynyń 200 qyzmetkeri shetelde biliktiligin arttyryp keldi
Almaty ákimdiginiń málimetinshe, olar - kitaphanashylar, murajaıtanýshylar, muraǵatshylar, haıýanattar baǵynyń veterınarlary, tsırk jáne teatr ártisteri.
Megapolıstiń mádenı nysandary 100% renovatsııalyq jańarýdan ótedi. Qyzmetkerler teorııada da, praktıkada da zamanaýı standarttar men klıentke baǵyttalǵan kommýnıkatsııany zertteýge basa nazar aýdara otyryp, jańa daǵdylar men quzyretterge ıe bolady.
Mýzeı qyzmetkerleri Frantsııanyń ulttyq eskertkishter ortalyǵynda bilim alyp, álemdik óner murajaıynyń – Musée du Louvre jumys tájirıbesin zerttedi.
Almatylyq kitaphanashylar Seýl kitaphanalarynda Gachon University jáne Namsan Public Library, Starfield Library, Nlcy, Seoul Women's University Library jáne Chung Ang University Library sııaqty taǵylymdamadan ótti.
Almaty tsırkiniń ártisteri alǵash ret Beıjiń halyqaralyq akrobatıka mektebinde jáne Reseı teatr óneri ınstıtýty — GITISTE biliktilikterin arttyrdy.
«Mádenıet salasynyń qyzmetkerleri alǵash ret osyndaı biregeı múmkindikke ıe boldy – álemniń jetekshi mádenı ortalyqtarynyń qabyrǵasynda oqyp, kásibı daǵdylaryn jetildirdi. Qala ákimi Erbolat Dosaev salany damytýǵa erekshe kóńil bóledi, bul aýqymdy is-sharalardy ótkizý, mádenıet nysandaryn jańǵyrtý qyzmetkerlerdiń oı- órisin damytýda. Tsırk jáne jergilikti teatr ártisteri, murajaıtanýshylar men kitaphanashylar, sondaı – aq haıýanattar baǵy men muraǵat qyzmetkerleri sońǵy eki jylda 200-ge jýyq adam shetelde oqyp keldi», - dep atap ótti Almaty qalasynyń mádenıet basqarmasy.
Buǵan deıin Almaty týrızm bıýrosynyń marketıng jáne taldaý bóliminiń basshysy Rýslan Janabaev 2023 jyly týrızm sektory megapolıs bıýdjetine 71,7 mlrd teńgeden astam salyq túsimderin ákelgenin jetkizgen edi.
Aıtýynsha, byltyr Almatyǵa 2 mıllıon týrıst keldi, bul — rekord. Statıstıka júrgizile bastaǵan ýaqyttan beri mundaı kórsetkish bolmaǵan. Qala bıýdjetine qonaq úı syndy jatyn oryndary 74 mlrd teńge, al týrıstik operatorlar 8,7 mlrd teńge paıda ákeldi.
Megapolıstiń 80 myń turǵyny týrıstik salaǵa qatysy bar nemese tikeleı osy sektorda jumys isteıdi.